Kitêbî “Jinêkî Auropî le wullatî kurdan” le bîreweriyekanî “Nesrîn Qasimlo” le layen weşanxaney “avêsta”we çap û billaw kirayewe.
“Hêlên Krolîc” nasraw be Nesrîn Qasmilo lew kitêbe da ke be zimanî feranseyî amadey kirduwe û le layen “Nîhat Noyan”we, wergêrdirawete ser zimanî turkî, sercem bîreweryekanî xoy le çiyakanî kurdistan têda guncanduwe.
Beşêkî dîkey ew berhemey Nesrîn Qasmilo, xebatî azadîxwazaney netewey kurdî le xoy girtuwe.
Birryare em ktêbe le dahatûyekî nêzîk da bo ser zimanekanî kurdî û farsî wergêrran bikrêt.
Hêlên krolîç temenî 80 salle û xellkî wllatî çêkoslovakî pêşûye û le seretakanî deyey 50’î zayînî da le gell duktur ‘Ebdulrrehman Qasmilo le şarî Prag aşna buwe û dwatir jiyanî hawbeşyan pêkhênawe.
Duktur ‘Ebdulrrehman Qasmilo yekêk le hellkewtûtrîn rêberanî kurd û Skirtêrî Giştî Hîzbî Dêmokratî Kurdistanî êran bû ke le rêkewtî 22’î pûşperrî sallî 1368’î hetawî hawrê le gell “Ebdulla Qadrîazer” endamî komîtey nawendî û niwênerî hîzb le Auropa û “duktur Fazll Resûll” dostî hîzb, le şarî Viyen û le ser mêzî wituwêj le gell dîplomatîk tîrorîstekanî Komarî Îslamîy êran şehîd kiran.
Diyar Molayî
