Sekreterê giştî yê Partiya Demokrat a Kurdistana Îranê (PDKÎ) Mistefa Hicrî beşdarî kampanya azadiya rêberê PKKê Abdullah Ocalan bû û metna kampanyayê îmze kir.
Li gorî nûçeya malpera fermî ya PDKÎ, sekreterê giştî yê PDKÎyê Mistefa Hicrî îro (06.06.2013) digel endamên rêveberiya kampanya azadiya Ocalan civiya û metna kampanyayê îmze kir.
Li gorî nûçeyê, Hicrî piştî îmzeya kampanyayê diyar kir ku îmzekirina metna kampanyaya azadiya Ocalan erka neteweyî ya hemû mirovên azadîxwaz û welatparêz ên kurd e û bi taybet kesên ku hogirên azadî û mirovahiyê ne.
Mistefa Hicîr ji Tirkiyê xwest ku ji bo nêtpakiya li hember çareseriya pirsa kurd li wî welatî huermeta îradeya gelê kurd bigire û wiha got: “Min jî bi vê nêta xêr û azadiya wî rêberê siyasî ev metin îmze kir.”
