Emrro 30 î marsî 2013 merasîmî 10î xakelêwe rojî şehîdanî Kurdistan berrêwe çû.

Mallî Kurd le şarî Allborg be hawkarîy komîtey nawçey Alborgî Hîzbî Dêmokratî Kurdistanî Êran sîmînarêkyan bo berrîz kak Baba ‘Elî Mêhirpewer siyasetwanî rojhellatî Kurdistan û endamî pêşûy defterî siyasîy hîzb pêkhêna ke jimareyekî berçawî Kurdanî Danmark beşdarîyan kird.

Seretay sîmînareke be sirûdî Ey Reqîb û ragirtinî xulekêk bê dengî borrêz le giyanî pakî şehîdanî Kurdistan be giştî û Pêşewa û hawrrêyanî be taybetî  destî pêkird.

Diway bexêrhênanî kak Baba ‘Elî û beşdaran le layen berrêweberî sîmînar kak Emîr Pallanî, parçe hellbestêk le layen kak Enwer Hesenî yewe pêşkeş kra.

Ewcar nore geyişte berrîz kak bab ‘elî ke wtarêkî grîng û be pêzî pêşkeş kird.

Wtarî berrêz mêhirpewer çend tewerî grîngî le xoy girtbû wek: hellumercî rageyandin û kotayî hatnî komarî kurdistan. Bîr  wendîşey dûrbînaney Pêşewa Qazî û hîzbî dêmokrat , bergirîy pêşewa le bîrokey komarî kurdistan û netewey kurd le dadgayî nmayşîy rêjîmî dîktatorrî pehlewî. Berew pîrî mergewe çûnî pêşewa qzî mhemmed wek rêberêkî blîmet û xobexiş be hemû manay wşeke.

Nesîhet û wesyet namey pêşewa bo êsta û dahatû debê bikrêtewe çray rûnak kerewey rêgay xebatî netewayetî û…… .

Dway pşûyekî kurt , ewcar dergay pirsyar bo beşdaran krayew eke zorbey beşdaran çalakane cûne nêw wtarî berrîz mêhirperwerewe û dwatir wllamî hemû pirsyarekan be wirdî drayewe .

Berrêz mêhirperwerle pêşnyarêkî da bo bnemalley gewrey dêmokrat wtî: hengawekanî dway kongrey panizde ta êsta musbet û hîwabexiş bûn bo yekrrîzîy dûbarey hîzb , bellam pêwîste xêrayî bidrê bew dîdar û dyaloge û xeberêkî dlloxoşker be bnemaley serberzî şehîdan û xellkî kurdistan be giştî bden.

Komellêk peyam û brûske be sîmînar geyiştbûn  ke behoy kemîy kat tenya wêrray îşare be nawyan, supasyan kra.

Komîtey hawkarîy hêze kurd û kurdistanîyekan, liqî Allborg ke pêkhatuwe le:

Xebatî şorrşigîrî Kurdistan

Partî Dêmokratî Kurdistan

Hîzbî Dêmokratî Kurdistanî Êran

Yekyetîy Nîştîmanîy Kurdistan

Brûskey Partî Krêkaranî Kurdistan, komîtey Alborg

Brûskey Mallî kurd le Allborg , Komelley kurdî le Allborg, Yekyetyekanî Jinan û Lawanî Dêmokratî Kurdistanî Êran komîtekanî danmark.

Sîmînar dway 3 se’at be pêşkeş kirdnî dyarî yekî sembolîk be berrîz kak Baba ‘Elî kotayî hat.

PDKI.dk

Del på sociale medier

Kommentér via Facebook

kommentarer