Diyarbekir Kommune har lavet en applikation for børn, som vil lære kurmancî-kurdisk. Læs pressemeddelelse på kurdisk her.
”Em bi kêfxweşîyeke mezin radigîhînin ku me bi zimanê kurdî “app”a zarokan a pêşî weşand. Navê appê “ABC kurdî” ye. Ev app ji alfabeya kurdî û ji du lîstikên deng û tîpên kurdî pêk tê. Zarokên ji 2-salî û mezintir dê bi alîkarîya lîstikan hînî dengên kurdî bibin. Mamoste, malbat û kesên din dê bikaribin vê appê li malê, li zarokxaneyê û li dibistanê bi kar bînin.
Êdî zarokên kurdan jî dê zimanê xwe bi reng û dengê xwe di nav teknîka nûjen de bibînin, nîşanê hevalên xwe bidin û pê serbilind bibin
Pêşketina teknîkê, ji bo hînbûna zimên jî îmkanên mezin peyda dike. Ev app di vî warî de nimûneyeke berbiçav e. Em bi teknîkeka nûjen, deng û tîpên kurdî digihînin zarokên kurdan. Zarokên kurdan wê bi telefonên dayîk û bav, xuşk û birayên xwe fêrî deng û tîpên kurdî bibin. Di roja zimanê zikmakî ya navnetewî de weşandina vê appê dilşahîya me mezintir dike. Her weha ev app bersiveke biçûk a li dijî hewldanên reşkirina zimanê kurdîye jî.
Li gor lêkolînên zanistî, bingeha zimên di temenê 1,5-3 salîyê de tê avêtin. Loma em bawer dikin ku ev app wê hem alîkarîya pêşvebirina zimanê kurdî bike, hem jî li ba zarokan hestên ji kurdî hezkirinê geştir bike.
Ev app, niha bes ji Iphone û Ipadê dixebite. Lê di dema pêş me de em ê ji bo sîstemên din, bo nimûne android, jî program bikin. Kesê ku bixwaze, bê pere, dikare ji “App store” vê appê daxîne.
Ev app berhemeke hevbeş a xebat û hevkariya kes û saziyên ku navên wan li jêrê ye. Ji bo vê encama bedew ez spasîyên xwe pêşkêşî wan hemûyan dikim.
Em ê pir dilşa bibin, ku têbînîyeke we li ser vê appê hebe û hûn me pê agahdar bikin.diljen@hotmail.com
Sazî û kesên hevkar û alîkarên vê projeyê:
Hevkarên projeyê: Skolverket û Navenda Duzimanîyê ya Şaredarîya Vesterosê û Şaredarîya bajarê mezin a Diyarbekirê
Birêvebirê projeyê: Haydar Diljen, Navenda Duzimanîyê ya Şaredarîya Vesterosê
Berpirsîyarê projeyê li Skolverketê: Mats Wennerholm, mişawîrê perwerdeyê
Berpirsîyara projeyê li Navenda Duzimanîyê ya Şaredarîya Vesterosê: Mia Lindh, şefa perwerdeya zimanê zikmakî
Xwedîya afirandin û pêşxistine fikra vê projeyê: Şîlan Diljen
Deng: Şîlan Diljen & Sîdar Yîgît
Wêne: Leyla Atak
Formdêrî: Aras Hassan/Brickit
Çavkanîya nivîs û wêneyan: Otlu Sabiha & Diljen, Haydar, (2008) “Destpêka Zimanê me”, Stockholm: Diljen förlaget.
___________________________________________________________________________
22-02-2012
Haydar Diljen
Rêvebirê projeyê û redaktorê Dibistana kurdî, diljen@hotmail.com, +46-70-1711508, www.diljen.com”
