Wezîrî Dadî Turkya: Ta kotayî hawîn kişanewey PKK tewaw debê

Se’dulllla Ergîn, Wezîrî Dadî Turkya be telefzyonî NTV turkî raygeyand “debê hawkat le gell agirbest, derkirdin bo derewey Turkya dest pêbkat. Derkirdin debê pêş kotayî hatnî hawîn tewaw bibê”.

Lebarey pêkhênanî lêjney pyawmaqullan wezîrî dad gutî ” debê ew lêjneye le bwarî çallakî medenî bmênêtewe, min lew bawerredam, bem nzîkane lêjneke drust dekrê”.

Se’dulllla Ergîn pêywabû başûrî kurdistan bo çareserî pirsî kurd “gringe” û lebarey awarekanî bakûr le kempî mexmurîş gutî ” çoll kirdnî kempeke dekewête qonaxî kotayî”.

Payemekey ‘Ebdulllla Ocelan, serokî zîndanîykrawî Partî Kirêkaranî Kurdistan(PKK) le ahengî newrozî milyonî şarî amed-î bakûrî kurdistan xwêndrayewe, ke têyda agirbestî rageyand û daway le gerîlakanî partekey kird xakî turkya be cêbhêlln û daway le turkyaş kird hengawî pêwîst bhawêjê bemebestî çareserkirdnî pirsî kurd.

Diwatir murad qereylan, serokî konsey berrêweberî koma cvakên kurdistan, le tomarêkî vîdyoyîda beşêweyekî fermî agirbestî rageyand, bellam gutîşî “eger hêrişman bikrête ser ewa bergirî le xoman dekeyn û bo şerr û aştî amadeyn”.

Kommentér via Facebook

kommentarer

2013-03-27T22:21:03+00:0027, marts, 2013|Kurdî, Soranî|
Websiden bruger cookies og analytics. Ok